ព័ត៌មានក្នុងខេត្ត

ពិធីប្រកាសបើកដំណើរការជាផ្លូវការនូវ «គេហទំព័រមន្ទីរព័ត៌មានរាជធានី-ខេត្ត» ត្រូវបានរៀបចំឡើងយ៉ាងអធិកអធម ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និង ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដោយមានការអញ្ជើញចូលរួមពីថ្នាក់ដឹកនាំ មន្ត្រីរាជការ និងតំណាងមន្ទីរព័ត៌មានរាជធានី-ខេត្តទាំង២៥។

កិច្ចប្រជុំបានពិនិត្យ និងអនុម័តសេចក្តីព្រាងរបៀបវារៈសំខាន់រួមមាន៖ ពិនិត្យ និងអនុម័ត សេចក្តីព្រាងកំណត់ហេតុកិច្ចប្រជុំសាមញ្ញលើកទី២៧ របស់ក្រុមប្រឹក្សាខេត្តអាណត្តិទី០៤, ពិនិត្យ និងអនុម័តសេចក្តីព្រាងរបាយការណ៍ប្រចាំខែសីហាឆ្នាំ២០២៦របស់រដ្ឋបាលខេត្ត, ធ្វើសេចក្តីរាយការណ៍អំពីបញ្ហាប្រឈបនានារបស់គណៈកម្មាធិការទាំងបីរបស់ក្រុមប្រឹក្សាខេត្តអាណត្តិទី៤, ពិនិត្យ និងអនុម័ត តារាងបែងចែក និងបើកផ្តល់ប្រាក់រង្វាន់លើកទឹកចិត្តដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្រ្តីបុគ្គលិកនៃរដ្ឋបាលខេត្ត ឧត្តរមានជ័យសម្រាប់ខែសីហាឆ្នាំ២០២៦, ពិនិត្យ និងអនុម័តយក សេចក្តីព្រាងសេចក្តីសម្រេចស្តីពីការកំណត់កាលបរិចេ្ឆទនៃការរៀបចំវេទិកាផ្សព្វផ្សាយ និង ពិគ្រោះយោបល់របស់ក្រុមប្រឹក្សាខេត្ត ឧត្តរមានជ័យឆ្នាំទី៣អាណត្តិទី៤។

កឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្ដរមានជ័យ បានដឹកនាំក្រុមការងារ ចុះត្រួតពិនិត្យស្ថានភាពទឹកនៅអាងតាម៉ុក និងស្ពានទួលប្រាសាទ ដែលស្ថិតនៅឃុំថ្លាត ស្រុកអន្លង់វែង ខេត្តឧត្តរមានជ័យ។

សាលាខេត្តឧត្តរមានជ័យ មានរៀបចំប្រជុំប្រចាំខែសីហា ឆ្នាំ២០២៦ របស់លេខាធិការដ្ឋាន នៃគណៈកម្មាធិការប្រយុទ្ធប្រឆាំងការជួញដូរមនុស្សខេត្តឧត្តរមានជ័យ។

រដ្ឋបាលខេត្តឧត្តរមានជ័យ បានរៀបចំកិច្ចប្រជុំការងារព័ត៌មាន និងប្រតិកម្មរហ័ស ដើម្បីពង្រឹងប្រសិទ្ធភាពនៃការផ្សព្វផ្សាយ លើកកម្ពស់គុណភាពវិស័យព័ត៌មាន និងឆ្លើយតបបំភ្លឺទាន់ពេលវេលាចំពោះព័ត៌មានមិនពិត ក្រោមអធិបតីភាព លោក ម៉េត មាសភក្តី អភិបាលរងខេត្ត និងជាប្រធានក្រុមការងារព័ត៌មាន និងប្រតិកម្មរហ័សខេត្ត។

ឯកឧត្តម មាន ចាន់យ៉ាដា អភិបាលនៃគណៈអភិបាលខេត្ត និងជាអនុប្រធានអចិន្ត្រៃយ៍ក្រុមការងាររាជរដ្ឋាភិបាលចុះមូលដ្ឋានខេត្តឧត្តរមានជ័យ (តំណាងដ៏ខ្ពង់ខ្ពស់ ឯកឧត្តមទេសរដ្ឋមន្ត្រី គន់ គីម ប្រធានក្រុមការងារ) បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែសីហា និងដាក់ចេញទិសដៅការងារខែកញ្ញា ឆ្នាំ២០២៦ នៅសាលប្រជុំសាលាខេត្តឧត្តរមានជ័យ ដើម្បីពិនិត្យ វាយតម្លៃ និងពង្រឹងប្រសិទ្ធភាពការងារថែរក្សាសន្តិសុខ សណ្តាប់ធ្នាប់ និងការអភិវឌ្ឍមូលដ្ឋាន។

ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ ដឹកនាំកម្លាំងចម្រុះចុះសម្របសម្រួល ជូនដល់ក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដែលដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) (AOT ) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ រាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ និងត្រួតពិនិត្យការដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន និងធ្វើផ្លូវលើទឹកដីកម្ពុជា និងការកាន់កាប់ដោយខុសច្បាប់របស់យោធាថៃ នៅច្រកអូរស្មាច់ ក្នុងតំបន់អូរខ្លាឃ្មុំ ដែលស្ថិតនៅភូមិអូរខ្លាឃ្មុំ សង្កាត់អូរស្មាច់ ក្រុងសំរោង ខេត្តឧត្តរមានជ័យ ដែលបណ្តាលឱ្យប្រជាពលរដ្ឋស៊ីវិលកម្ពុជាចំនួន ៣៦៦នាក់ ស្មើនឹង ៩៨គ្រួសារ (ស្ត្រី ១៩០នាក់) ក្នុងនោះមានកុមារចំនួន ១០១នាក់ មិនទាន់អាចវិលត្រឡប់ទៅកាន់លំនៅដ្ឋានវិញបាននៅឡើយ។

នៅព្រឹកថ្ងៃទី២៦ ខែសីហា ឆ្នំា២០២៦ ឯកឧត្ដម មាន ចាន់យ៉ាដា អភិបាលនៃគណៈអភិបាលខេត្តឧត្ដរមានជ័យ បានដឹកនាំក្រុមការងារជំនាញ និងអាជ្ញាធរដែនដី អមដំណើរលោកជំទាវ Winterton រដ្ឋមន្ត្រីចក្រភពអង់គ្លេសទទួលបន្ទុកតំបន់ឥណ្ឌូប៉ាស៊ីហ្វិក ចុះពិនិត្យស្ថានភាពផ្ទាល់នៅសាលាបឋមសិក្សាគោកប្រាសាទ ស្ថិតក្នុងភូមិផ្អុង សង្កាត់កូនក្រៀល ក្រុងសំរោង ខេត្តឧត្តរមានជ័យ ដែលជាសាលាបឋមសិក្សាមួយទទួលបានការខូចខាតយ៉ាងធ្ងន់ធ្ងរពីប៉ះពាល់នៃជម្លោះព្រំដែនកម្ពុជា-ថៃនាពេលថ្មីៗកន្លងមកនេះ។

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតជូន ឯកឧត្តម Andrey RUDENKO អនុរដ្ឋមន្ត្រីការបរទេសសហព័ន្ធរុស្សី ចូលជួបសម្តែងការគួរសម និងពិភាក្សាការងារ នារសៀលថ្ងៃទី២៤ ខែសីហា ឆ្នាំ២០២៦ នៅវិមានសាមគ្គីភាព រាជធានីភ្នំពេញ។

គោលបំណង និងសារសំខាន់៖ ការកៀរគរធនធាន៖ ភ្ជាប់គម្រោងអាទិភាពរបស់ឃុំ សង្កាត់ ជាមួយថវិកា និងការគាំទ្របច្ចេកទេសពីក្រសួង-ស្ថាប័នរដ្ឋ មន្ទីរជំនាញ ដៃគូអភិវឌ្ឍន៍ និងអង្គការសង្គមស៊ីវិល។ ចៀសវាងការជាន់គ្នានៃគម្រោង៖ បង្កើតការសម្របសម្រួលច្បាស់លាស់ រវាងគម្រោងវិនិយោគរបស់រដ្ឋបាលថ្នាក់ក្រោមជាតិ និងអង្គការនានា ដើម្បីកាត់បន្ថយការចំណាយថវិកា និងធនធានជាន់គ្នា។ ភាពជាម្ចាស់ និងតម្លាភាព៖ លើកកម្ពស់ការចូលរួមយ៉ាងសកម្មពីសហគមន៍ ក្នុងការកំណត់តម្រូវការជាក់ស្តែង និងតាមដានការអនុវត្តគម្រោងប្រកបដោយតម្លាភាព និងគណនេយ្យភាព។ ពង្រឹងកិច្ចសហប្រតិបត្តិការ៖ បង្កើតទំនាក់ទំនងជិតស្និទ្ធរវាងរដ្ឋបាលឃុំ សង្កាត់ ជាមួយវិស័យឯកជន ដៃគូអភិវឌ្ឍន៍ និងប្រជាពលរដ្ឋក្នុងមូលដ្ឋាន៕

‎ ‎ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អញ្ជើញដឹកនាំកិច្ចប្រជុំវាយតម្លៃលទ្ធផល និងសមិទ្ធផលពាក់កណ្តាលអាណត្តិ (ខែសីហា ឆ្នាំ២០២៣ មកដល់បច្ចុប្បន្ន) និងផែនការការងារសម្រាប់ឆ្នាំ២០២៧-២០២៨ ដើម្បីសម្រេចផែនការយុទ្ធសាស្ត្រអភិវឌ្ឍន៍ វិស័យព័ត៌មាន និងសោតទស្សន៍ ឆ្នាំ២០២៤-២០២៨ នៅទីស្តីការក្រសួងព័ត៌មាន នាព្រឹកថ្ងៃទី១៧ ខែសីហា ឆ្នាំ២០២៦។

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍