ព័ត៌មានក្នុងខេត្ត

សារថ្វាយព្រះពរបស់រដ្ឋបាលខេត្ត ឧត្តរមានជ័យ ថ្វាយ៊ព្រះពរ ទូលព្រះបង្គំជាខ្ញុំ ព្រមទាំងមន្ត្រីរាជការ កងកម្លាំងប្រដាប់អាវុធគ្រប់លំដាប់ថ្នាក់ ប្រជានុរាស្ត្រទូទាំងខេត្តឧត្តរមានជ័យ សូមព្រះបរមរាជានុញ្ញាតសម្តែងនូវសេចក្តីអំណរសាទរឥតឧបមា សូមបួងសួងដល់វត្ថុស័ក្តិសិទ្ធិក្នុងលោក និងបារមី ព្រះមហាស្វេតច្ឆត្រថ្វាយព្រះរាជសព្ទសាធុការ និងព្រះរាជកុសលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សូម សម្តេចព្រះមហាក្សត្រី ទ្រង់ប្រកបដោយព្រះជន្មាយុ យឺនយូរជាងរយព្រះវស្សា ព្រះរាជសុខភាពល្អបរិបូរណ៍ ព្រះកាយពលមាំមួនខ្លាំងក្លា ព្រះបញ្ញាញាណភ្លឺថ្លាត្រចះត្រចង់ និង សុភមង្គល ដើម្បីគង់ប្រថាប់នៅជាម្លប់ដ៏ត្រជាក់ត្រជំថ្កុំថ្កើង សម្បូរសប្បាយ រុងរឿង និងមាតុភូមិអង្គរដ៏បវរថ្លៃថ្លា និងប្រជានុរាស្ត្រ ខ្មែរគ្រប់រូបតរៀងទៅ ក្នុងព្រះរាជពិធីបុណ្យចម្រើនព្រះជន្ម គម្រប់ ៩០ យាងចូល ៩១ ព្រះវស្សា ដែលនឹងប្រព្រឹត្តទៅនៅ ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦។

ក្រុមភ្លេងកាយរឹទ្ធិខេត្តឧត្តរមានជ័យ បានរៀបចំការសម្តែងបង្ហាញសមត្ថភាព និងត្រៀមលក្ខណៈយ៉ាងសកម្ម ក្នុងគោលបំណងត្រៀមខ្លួនចូលរួមប្រឡងប្រកួតប្រជែងថ្នាក់ជាតិ នាថ្ងៃខាងមុខ។

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តសៀមរាប និងខេត្តឧត្តរមានជ័យ។

(AKP ‎​កំពង់ធំ) ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន នាព្រឹកថ្ងៃទី០៦ ខែមិថុនា ឆ្នាំ២០២៦ នេះ បានចូលរួមជាគណអធិបតីក្នុងវគ្គបណ្តុះបណ្តាលស្តីពី «ការពង្រឹងការងារសាធារណមតិ និងការប្រឆាំងព័ត៌មានក្លែងក្លាយក្នុងយុគសម័យបញ្ញាសិប្បនិម្មិត (AI)» នៅ‎សាលាខេត្តកំពង់ធំ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស្វាយ ស៊ីថា ទេសរដ្ឋមន្រ្តីទទួលបន្ទុកបេសកកម្មពិសេស។

ក្រសួងវប្បធម៌និងវិចិត្រសិល្បៈ នាថ្ងៃទី៥ ខែមិថុនា ឆ្នាំ២០២៦នេះ បានចេញសេចក្តីថ្លែងការណ៍ ថ្កោលទោសយ៉ាងខ្លាំងក្លាបំផុតចំពោះការបំផ្លិចបំផ្លាញថ្មីៗនេះដោយកងកម្លាំងយោធាថៃទៅលើជណ្តើរឈើឡើងប្រាសាទខ្នារ ដែលជាហេដ្ឋារចនាសម្ព័ន្ធសម្រាប់ឡើងទៅកាន់ប្រាសាទខ្នារ និងសម្រាប់បម្រើដល់កិច្ចការអភិរក្សបេតិកភណ្ឌវប្បធម៌ និងដែលត្រូវបានសាងសង់ដោយអាជ្ញាធរកម្ពុជានៅឆ្នាំ២០១៧។

រដ្ឋបាលខេត្តឧត្តរមានជ័យ បានរៀបចំប្រារព្ធខួបលើកទី ១៦៣ ទិវាពិភពលោកកាកបាទក្រហម និងអឌ្ឍច័ន្ទក្រហម ក្រោមអធិបតីភាពឯកឧត្តម មាន ចាន់យ៉ាដា សមាជិកគណៈកម្មាធិការកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តឧត្តរមានជ័យ ឯកឧត្តម ស៊ី ប្រសិទ្ធិ ប្រធានក្រុមប្រឹក្សាខេត្ត។

ឧត្តរមានជ័យ៖ លោក ម៉េត មាសភក្តី អភិបាលរងខេត្តឧត្តរមានជ័យ និងជាក្រុមការងារ បានដឹកនាំគណៈប្រតិភូ រួមជាមួយក្រុមអ្នកសង្កេតការណ៍អាស៊ាន (AOT) ចុះពិនិត្យផ្ទាល់លើទីតាំងដែលរងការវាយប្រហារពីកងកម្លាំងយោធាថៃនាពេលកន្លងមក នៅស្រុកអន្លង់វែង ដើម្បីវាយតម្លៃពីផលប៉ះពាល់ជាក់ស្តែង និងស្នើសុំឱ្យមានភាពយុត្តិធម៌សម្រាប់ប្រជាពលរដ្ឋ។

បន្ទាប់ពីមានការរំលោភបំពានយ៉ាងធ្ងន់ធ្ងរពីកងកម្លាំងយោធាថៃ ដែលបានប្រើប្រាស់អាវុធធុនធ្ងន់ផ្លោងចូលមកក្នុងភូមិសាស្ត្រទឹកដីកម្ពុជា ដែលបង្កឱ្យមានការខូចខាតហេដ្ឋារចនាសម្ព័ន្ធ ក៏ដូចជាផ្ទះសម្បែង និងទ្រព្យសម្បត្តិប្រជាពលរដ្ឋយ៉ាងដំណំ នៅព្រឹកថ្ងៃទី៨ ខែមករា ឆ្នាំ២០២៦នេះ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានដឹកនាំក្រុមការងារចូលរួមជាមួយក្រុមអ្នកសង្កេតការណ៍អាស៊ាន (AOT) ដើម្បីពិនិត្យផលប៉ះពាល់ដែលទាហានថៃវាយប្រហារមកលើច្រកព្រំដែនអន្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្ដរមានជ័យ។

យោងតាមគណៈបញ្ជាការឯកភាពរដ្ឋបាលខេត្តឧត្តរមានជ័យ, ព្រះសង្ឃ ប្រជាពលរដ្ឋនៅខេត្តព្រះវិហារបានបន្តនិមន្តនិងភៀសខ្លួនពីតំបន់គ្រោះថ្នាក់មកកាន់តំបន់សុវត្ថិភាព គេចពីការវាយប្រហាររបស់យោធាថៃមកលើកម្ពុជា។

ឧត្តរមានជ័យ ៖ បងប្អូនជនភៀសសឹកជាង ៣២៩គ្រួសារ ដែលស្នាក់នៅមណ្ឌលសុវត្ថិភាព ថ្មកំបោរ និងវត្តគោកមន ស្ថិតនៅស្រុកបន្ទាយអំពិល ត្រូវបាន ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានអញ្ជើញចុះសួរសុខទុក្ខ និងចែកអំណោយ ជាគ្រឿងឧបភោគបរិភោក និងសម្លៀកបំពាក់មួយចំនួន នាថ្ងៃទី២៤ខែវិច្ឆិកាឆ្នាំ២០២៥នេះ។

ច្រកទ្វារព្រំដែនអន្តរជាតិជាំសាង៉ាំ នៅថ្ងៃទី ២៦ខែមិថុនាឆ្នាំ២០២៥នេះ ដូចការជូនដំណឹងដោយឯកតោភាគី ថៃបានបើកទ្វារច្រកព្រំដែនទ្បើងវិញជារៀងរាល់ថ្ងៃ ចាប់ពីវេលាម៉ោង ០៧:០០នាទីព្រឹក ដល់ម៉ោង ១០:០០នាទីយប់ ប៉ុន្តែត្រូវបានរឹតបន្តឹង ដោយហាមទាំងមនុស្ស និងរថយន្តឆ្លងកាត់ចេញ-ចូលប្រទេសថៃ លើកលែងតែអ្នកជំងឺសង្គ្រោះបន្ទាន់ និងសិស្សសាលា។

ស្ថានភាពនៅច្រកអន្តរជាតិអូរស្មាច់នៅព្រឹកថ្ងៃទី២៥ ខែមិថុនាឆ្នាំ២០២៥ អាជ្ញាធរ សមត្ថកិច្ច បានសម្របសម្រួលឱ្យប្រជាពលរដ្ឋ និងពលករខ្មែរយើងចេញមកកម្ពុជាវិញបាន តែមិនអនុញ្ញាតឱ្យប្រជាពលរដ្ឋចូលវិញបានទេ ។