ព័ត៌មានក្នុងខេត្ត

ក្រុមការងាររដ្ឋបាលខេត្ត ដឹកនាំដោយលោកហោ ជិនវីរៈយុទ្ធ អភិបាលរងខេត្ត តំណាងឯកឧត្តមមាន ចាន់យ៉ាដាអភិបាលនៃគណៈអភិបាលខេត្តឧត្តរមានជ័យនៃព្រះរាជាណាចក្រកម្ពុជា បានសម្របសម្រួលជូនដល់ក្រុមអ្នកសង្កេតការណ៍អាស៊ាន ( AOT) ដើម្បីចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅមាត់ច្រកទ្វាព្រំដែនអូរស្មាច់ ស្ថិតក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យដែលរងការខូចខាតយ៉ាងដំណំបំផុតដោយសារការវាយប្រហារពីសំណាក់យោធាថៃកន្លងទៅ និងពិនិត្យមើលស្ថានការណ៍នៃការវិវឌ្ឍន៍ថ្មីនៅក្នុងភូមិសាស្រ្តនោះ។

ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ បានអញ្ជើញជាអធិបតីក្នុងពិធីទទួលអំណោយ និងថវិកាដ៏ថ្លៃថ្លា ពីក្រុមហ៊ុន ឆេមពានគ្រុប (Champion Group) ដែលនាំយកមកប្រគល់ដោយផ្ទាល់ពី លោកជំទាវអ្នកឧកញ៉ា សុខ សុភាព ប្រធានក្រុមហ៊ុន និងឯកឧត្តម បណ្ឌិត ជ្រុន ថេរ៉ាវ៉ាត ពិធីប្រគល់ និងទទួលនេះ ត្រូវបានធ្វើឡើងដើម្បីនាំយកទៅឧបត្ថម្ភបន្តជូនដល់វីរកងទ័ពដែលកំពុងឈរជើងបំពេញភារកិច្ចការពារបូរណភាពទឹកដីនៅជួរមុខ ក្នុងភូមិសាស្ត្រខេត្តឧត្តរមានជ័យ ចំនួន ០៥ អង្គភាព។