ព័ត៌មានក្នុងខេត្ត

ឧត្តរមានជ័យ៖ លោក ម៉េត មាសភក្តី អភិបាលរងខេត្តឧត្តរមានជ័យ និងជាក្រុមការងារ បានដឹកនាំគណៈប្រតិភូ រួមជាមួយក្រុមអ្នកសង្កេតការណ៍អាស៊ាន (AOT) ចុះពិនិត្យផ្ទាល់លើទីតាំងដែលរងការវាយប្រហារពីកងកម្លាំងយោធាថៃនាពេលកន្លងមក នៅស្រុកអន្លង់វែង ដើម្បីវាយតម្លៃពីផលប៉ះពាល់ជាក់ស្តែង និងស្នើសុំឱ្យមានភាពយុត្តិធម៌សម្រាប់ប្រជាពលរដ្ឋ។

បន្ទាប់ពីមានការរំលោភបំពានយ៉ាងធ្ងន់ធ្ងរពីកងកម្លាំងយោធាថៃ ដែលបានប្រើប្រាស់អាវុធធុនធ្ងន់ផ្លោងចូលមកក្នុងភូមិសាស្ត្រទឹកដីកម្ពុជា ដែលបង្កឱ្យមានការខូចខាតហេដ្ឋារចនាសម្ព័ន្ធ ក៏ដូចជាផ្ទះសម្បែង និងទ្រព្យសម្បត្តិប្រជាពលរដ្ឋយ៉ាងដំណំ នៅព្រឹកថ្ងៃទី៨ ខែមករា ឆ្នាំ២០២៦នេះ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានដឹកនាំក្រុមការងារចូលរួមជាមួយក្រុមអ្នកសង្កេតការណ៍អាស៊ាន (AOT) ដើម្បីពិនិត្យផលប៉ះពាល់ដែលទាហានថៃវាយប្រហារមកលើច្រកព្រំដែនអន្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្ដរមានជ័យ។

យោងតាមគណៈបញ្ជាការឯកភាពរដ្ឋបាលខេត្តឧត្តរមានជ័យ, ព្រះសង្ឃ ប្រជាពលរដ្ឋនៅខេត្តព្រះវិហារបានបន្តនិមន្តនិងភៀសខ្លួនពីតំបន់គ្រោះថ្នាក់មកកាន់តំបន់សុវត្ថិភាព គេចពីការវាយប្រហាររបស់យោធាថៃមកលើកម្ពុជា។

ឧត្តរមានជ័យ ៖ បងប្អូនជនភៀសសឹកជាង ៣២៩គ្រួសារ ដែលស្នាក់នៅមណ្ឌលសុវត្ថិភាព ថ្មកំបោរ និងវត្តគោកមន ស្ថិតនៅស្រុកបន្ទាយអំពិល ត្រូវបាន ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានអញ្ជើញចុះសួរសុខទុក្ខ និងចែកអំណោយ ជាគ្រឿងឧបភោគបរិភោក និងសម្លៀកបំពាក់មួយចំនួន នាថ្ងៃទី២៤ខែវិច្ឆិកាឆ្នាំ២០២៥នេះ។

ច្រកទ្វារព្រំដែនអន្តរជាតិជាំសាង៉ាំ នៅថ្ងៃទី ២៦ខែមិថុនាឆ្នាំ២០២៥នេះ ដូចការជូនដំណឹងដោយឯកតោភាគី ថៃបានបើកទ្វារច្រកព្រំដែនទ្បើងវិញជារៀងរាល់ថ្ងៃ ចាប់ពីវេលាម៉ោង ០៧:០០នាទីព្រឹក ដល់ម៉ោង ១០:០០នាទីយប់ ប៉ុន្តែត្រូវបានរឹតបន្តឹង ដោយហាមទាំងមនុស្ស និងរថយន្តឆ្លងកាត់ចេញ-ចូលប្រទេសថៃ លើកលែងតែអ្នកជំងឺសង្គ្រោះបន្ទាន់ និងសិស្សសាលា។

ស្ថានភាពនៅច្រកអន្តរជាតិអូរស្មាច់នៅព្រឹកថ្ងៃទី២៥ ខែមិថុនាឆ្នាំ២០២៥ អាជ្ញាធរ សមត្ថកិច្ច បានសម្របសម្រួលឱ្យប្រជាពលរដ្ឋ និងពលករខ្មែរយើងចេញមកកម្ពុជាវិញបាន តែមិនអនុញ្ញាតឱ្យប្រជាពលរដ្ឋចូលវិញបានទេ ។

ព្រះសង្ឃ និងពុទ្ធបរិស័ទមកពីខេត្តបន្ទាយមានជ័យ បាននាំយកនូវអំណោយជាគ្រឿងឧបភោគបរិភោគជាច្រើនមុខទៅចែកជូនដល់វីរកងទ័ពជួរមុខដែលកំពុងឈរជើងការពារបូរណភាពទឹកដីនៅតំបន់ប្រាសាទតាមាន់ និងប្រាសាទតាក្របី ដោយពិធីដ៏មានអត្ថន័យនេះបានប្រព្រឹត្តទៅនៅព្រឹកថ្ងៃសុក្រ ទី១៥ ខែសីហា ឆ្នាំ២០២៥ និងដឹកនាំដោយព្រះសមណញាណ ណាប់ ម៉ឺន ព្រះបាឡាត់គុណខេត្តបន្ទាយមានជ័យ រួមជាមួយអាជីវករក្រុងសិរីសោភ័ណជាច្រើនរូប។ អំណោយដែលបាននាំយកទៅរួមមាន អង្ករ ត្រីខ មី ទឹកក្រូច ទឹកបរិសុទ្ធ នំចំណី និងសម្ភារប្រើប្រាស់ចាំបាច់ជាច្រើនទៀត។

នាព្រឹកថ្ងៃទី១៤ ខែសីហា ឆ្នាំ២០២៥នេះ ប្រជាពលរដ្ឋជាជនភៀសសឹក បានមកស្នាក់នៅបណ្ដោះអាសន្ដនៅទីរួមខេត្តឧត្តរមានជ័យ និងរង់ចាំស្ដាប់សភាពការណ៍បន្ដទៀត។

ឯកឧត្តម នេត្រ ភក្ត្រា៖ ព័ត៌មានក្លែងក្លាយបានផ្តល់ផលអវិជ្ជមានដល់សង្គមជាតិដែលចាំបាច់យើងត្រូវតែចូលរួមក្នុងការទប់ស្កាត់ ចេញផ្សាយ ថ្ងៃទី ១៨ ខែ ឧសភា ឆ្នាំ ២០២៦ AKP ភ្នំពេញ ថ្ងៃទី១៨ ខែឧសភា ឆ្នាំ២០២៦--ក្នុងយុទ្ធនាការនិយាយថាទេចំពោះព័ត៌មានក្លែងក្លាយ ដែលមានការចូលរួមពីសិស្សានុសិស្សនៃវិទ្យាល័យហ៊ុន សែន ប៊ុន រ៉ានី វត្តភ្នំជាង ២៥០០នាក់ នាព្រឹកថ្ងៃទី១៨ ខែឧសភា ឆ្នាំ២០២៦នេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអះអាងថា ព័ត៌មានក្លែងក្លាយបានផ្តល់ផលអវិជ្ជមានដល់សង្គមជាតិដែលចាំបាច់យើងត្រូវតែចូលរួមក្នុងការទប់ស្កាត់វា។

ឯកឧត្តម មាន ចាន់យ៉ាដា អញ្ជើញអមដំណើរ សម្តេចកិត្តិសង្គហបណ្ឌិត ម៉ែន សំអន ក្នុងពិធីសម្ពោធរង្វង់មូលព្រះវិស្ណុគង់លើគ្រុឌ នៅខេត្តសៀមរាប [សៀមរាប] ៖ នាព្រឹកថ្ងៃទី ១៩ ខែឧសភា ឆ្នាំ២០២៦ នេះ ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ «រង្វង់មូលព្រះវិស្ណុគង់លើគ្រុឌ» ស្ថិតនៅចំណុចរង្វង់មូលមុខគ្រុឌ ។

ឧត្តរមានជ័យ៖ នៅព្រឹកថ្ងៃទី ១៩ ខែឧសភា ឆ្នាំ២០២៦ នេះ រដ្ឋបាលខេត្តឧត្តរមានជ័យ បានរៀបចំកិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្ត អាណត្តិទី៤ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ី ប្រាសិទ្ធ ប្រធានក្រុមប្រឹក្សាខេត្ត និងមានការអញ្ជើញចូលរួមពី លោក ស៊ឹម វុទ្ធា អភិបាលរងនៃគណៈអភិបាលខេត្តឧត្តរមានជ័យ។

នាថ្ងៃទី១៩ ខែឧសភា ឆ្នាំ២០២៦ ក្រសួងព័ត៌មានបានរៀបចំពិធីបិទវគ្គបណ្ដុះបណ្ដាលស្ដីពី «ការប្រើប្រាស់ និងការការពារគេហទំព័រ» ជូនដល់មន្ត្រីរាជការក្រោមឱវាទ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។