ព័ត៌មានក្នុងខេត្ត

ស្ថានភាពនៅច្រកអន្តរជាតិអូរស្មាច់នៅព្រឹកថ្ងៃទី២៥ ខែមិថុនាឆ្នាំ២០២៥ អាជ្ញាធរ សមត្ថកិច្ច បានសម្របសម្រួលឱ្យប្រជាពលរដ្ឋ និងពលករខ្មែរយើងចេញមកកម្ពុជាវិញបាន តែមិនអនុញ្ញាតឱ្យប្រជាពលរដ្ឋចូលវិញបានទេ ។

ព្រះសង្ឃ និងពុទ្ធបរិស័ទមកពីខេត្តបន្ទាយមានជ័យ បាននាំយកនូវអំណោយជាគ្រឿងឧបភោគបរិភោគជាច្រើនមុខទៅចែកជូនដល់វីរកងទ័ពជួរមុខដែលកំពុងឈរជើងការពារបូរណភាពទឹកដីនៅតំបន់ប្រាសាទតាមាន់ និងប្រាសាទតាក្របី ដោយពិធីដ៏មានអត្ថន័យនេះបានប្រព្រឹត្តទៅនៅព្រឹកថ្ងៃសុក្រ ទី១៥ ខែសីហា ឆ្នាំ២០២៥ និងដឹកនាំដោយព្រះសមណញាណ ណាប់ ម៉ឺន ព្រះបាឡាត់គុណខេត្តបន្ទាយមានជ័យ រួមជាមួយអាជីវករក្រុងសិរីសោភ័ណជាច្រើនរូប។ អំណោយដែលបាននាំយកទៅរួមមាន អង្ករ ត្រីខ មី ទឹកក្រូច ទឹកបរិសុទ្ធ នំចំណី និងសម្ភារប្រើប្រាស់ចាំបាច់ជាច្រើនទៀត។

នាព្រឹកថ្ងៃទី១៤ ខែសីហា ឆ្នាំ២០២៥នេះ ប្រជាពលរដ្ឋជាជនភៀសសឹក បានមកស្នាក់នៅបណ្ដោះអាសន្ដនៅទីរួមខេត្តឧត្តរមានជ័យ និងរង់ចាំស្ដាប់សភាពការណ៍បន្ដទៀត។

ក្រុមការងាររដ្ឋបាលខេត្ត ដឹកនាំដោយលោកហោ ជិនវីរៈយុទ្ធ អភិបាលរងខេត្ត តំណាងឯកឧត្តមមាន ចាន់យ៉ាដាអភិបាលនៃគណៈអភិបាលខេត្តឧត្តរមានជ័យនៃព្រះរាជាណាចក្រកម្ពុជា បានសម្របសម្រួលជូនដល់ក្រុមអ្នកសង្កេតការណ៍អាស៊ាន ( AOT) ដើម្បីចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅមាត់ច្រកទ្វាព្រំដែនអូរស្មាច់ ស្ថិតក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យដែលរងការខូចខាតយ៉ាងដំណំបំផុតដោយសារការវាយប្រហារពីសំណាក់យោធាថៃកន្លងទៅ និងពិនិត្យមើលស្ថានការណ៍នៃការវិវឌ្ឍន៍ថ្មីនៅក្នុងភូមិសាស្រ្តនោះ។

ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ បានអញ្ជើញជាអធិបតីក្នុងពិធីទទួលអំណោយ និងថវិកាដ៏ថ្លៃថ្លា ពីក្រុមហ៊ុន ឆេមពានគ្រុប (Champion Group) ដែលនាំយកមកប្រគល់ដោយផ្ទាល់ពី លោកជំទាវអ្នកឧកញ៉ា សុខ សុភាព ប្រធានក្រុមហ៊ុន និងឯកឧត្តម បណ្ឌិត ជ្រុន ថេរ៉ាវ៉ាត ពិធីប្រគល់ និងទទួលនេះ ត្រូវបានធ្វើឡើងដើម្បីនាំយកទៅឧបត្ថម្ភបន្តជូនដល់វីរកងទ័ពដែលកំពុងឈរជើងបំពេញភារកិច្ចការពារបូរណភាពទឹកដីនៅជួរមុខ ក្នុងភូមិសាស្ត្រខេត្តឧត្តរមានជ័យ ចំនួន ០៥ អង្គភាព។