ព័ត៌មានតាមបណ្តារខេត្ត

និយាយដល់ផ្លែស្រកានាគ គ្នាយើងពិតជាស្គាល់ច្បាស់ណាស់ ផ្លែនេះមិនត្រឹមតែមានតម្លៃសមរម្យទេ ថែមទាំងមានរសជាតិឆ្ងាញ់ផងដែរ។ ក្រៅពីរសជាតិ គ្នាយើងដឹងទេថាផ្លែស្រកានាគមានគុណប្រយោជន៍ចំពោះសុខភាពច្រើនយ៉ាង។

ខេត្តប៉ៃលិន ត្រូវបានគេស្គាល់ថា ជាតំបន់សំបូរត្បូងធម្មជាតិ ដែលមានតម្លៃថ្លៃ និងល្បីល្បាញ។ បច្ចុប្បន្ននេះ សកម្មភាពជីកត្បូងជាលក្ខណៈជាអាជីព មិនមានទៀតឡើយ នៅក្នុងខេត្តប៉ៃលិន ពោលគឺមានសកម្មភាពប្រជាពលរដ្ឋរែងត្បូងបន្តិចបន្ទួច នៅតាមស្ទឹង ក្រោយពេលពួកគាត់ពេលទំនេរពីការងារ ឬឱកាសសមស្រប សម្រាប់ពួកគាត់ប៉ុណ្ណោះ។ ទោះជាយ៉ាងនេះក្តី មានប្រជាពលរដ្ឋប្រមាណជិតពីររយនាក់ នៅក្នុងខេត្តប៉ៃលិន កំពុងប្រកបរបរជិញ្ចឹមជីវិតដោយការច្នៃត្បូង។

ទំពាំងបារាំង គឺជាដំណាំបន្លែមួយប្រភេទ ដែលមានរសជាតិឆ្ងាញ់ និងផ្តល់ផលប្រយោជន៍ច្រើនដល់សុខភាព ហើយផ្តល់ប្រាក់ចំណូលវិញក៏ល្មមគួរសមដល់កសិករផងដែរ។ បច្ចុប្បន្ននេះ មានប្រជាកសិករកម្ពុជាកាន់តែច្រើនឡើងៗ បានចាប់អារម្មណ៍ដាំដំណាំទំពាំងបារាំងនេះ ខណៈដែលផ្ទៃដីដាំដុះមានការកើនឡើងជារៀងរាល់ឆ្នាំ។ ចំពោះខេត្តប៉ៃលិន ប្រជាកសិករបានចាប់ផ្ដើមដាំដំណាំទំពាំងបារាំងនេះនៅក្នុងឆ្នាំ២០១៦ ក្រោមការរៀបចំឡើងដោយមន្ទីរកសិកម្ម រុក្ខាប្រមាញ់ និងនេសាទ ខេត្តប៉ៃលិន។

ទឹកជ្រោះធម្មជាតិ បយ៉ាខា មានសម្រស់យ៉ាងស្រស់ស្អាត លាក់ខ្លួនក្នុងព្រៃភ្នំ កត់ត្រាប្រវត្តស្នេហ៍របស់ចៅចិត្ត លើឃុននារី បុត្រីសេដ្ឋី ខេត្តប៉ៃលិន ក្នុងបទចំរៀងរបស់លោកតា ស៊ីន ស៊ីសាមុត ដែលមានចំណងជើងថា” យីហ៊ុបប៉ៃលិន”។

ស្តូបអនុស្សាវរីយ៍ នយោបាយ ឈ្នះ ឈ្នះ ខេត្តប៉ៃលិន ចាប់ផ្តើមបញ្ចុះបឋមសីលា នាថ្ងៃទី០៨ ខែឧសភា ឆ្នាំ២០២២ ក្រោមអធិបតីភាពសម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និងជាប្រធានមូលនិធិទ្រទ្រង់ការសាងសង់វិមាន ឈ្នះ ឈ្នះ និងចាប់ផ្តើមបុកគ្រឹះកសាង នាថ្ងៃទី០៩ ខែមិថុនា ឆ្នាំ២០២២។ វិមាន ឈ្នះ ឈ្នះ ខេត្តប៉ៃលិន មានទំហំបាតក្រោម ៥៩ម៉ែត្រ គុណនឹង ៥៩ម៉ែត្រ និងមានកំពស់ ៥០.៩ម៉ែត្រ សាងសង់លើផ្ទៃដីទំហ៊ំ ២៦,០០០ម៉ែត្រការ៉េ ដែលជាអំណោយផ្ទាល់របស់ឯកឧត្តមទេសរដ្ឋមន្ត្រី អ៊ី ឈាន ប្រធានអនុគណៈកម្មាសាងសង់ស្តូបអនុស្សាវរីយ៍នយោបាយ ឈ្នះ ឈ្នះ ខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន។

ក្រូចពោធិសាត់ គឺជាផ្លែឈើមួយប្រភេទដែលមានជាតិឆ្ងាញ់ និងមានសារ:ប្រយោជន៍ច្រើន។ អ្នកជំនាញបានអះអាងថា នៅពេលដែលលោកអ្នកទទួលទានក្រូចពោធិសាត់ឲ្យបានត្រឹមត្រូវជារៀងរាល់ថ្ងៃនោះលោកអ្នកនឹងកាត់បន្ថយការទៅព្យាបាលនៅមន្ទីរពេទ្យ។