(កំពង់ចាម)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានណែនាំដល់មន្ត្រីរាជការនៃរដ្ឋបាលខេត្ត ឱ្យខិតខំរៀនសូត្រ និងឈ្វេងយល់បន្ថែមអំពីបច្ចេកវិទ្យាបញ្ញាសិប្បនិម្មិត (AI) ដោយបានសង្កត់ធ្ងន់ថា មន្ត្រីគ្រប់រូបត្រូវធ្វើជាអ្នកគ្រប់គ្រង និងបញ្ជាលើ AI ដោយមិនត្រូវបណ្តោយឱ្យ AI មកគ្រប់គ្រង ឬបញ្ជាលើរូបយើងវិញនោះឡើយ។
រដ្ឋបាលខេត្តឧត្តរមានជ័យ បានរៀបចំពិធីសម្ពោធដាក់ឱ្យប្រើប្រាស់ជាផ្លូវការផ្លូវភ្លោះបេតុងអាមេមួយខ្សែ មានប្រវែងសរុប ៣ ៤៦០ ម៉ែត្រ និងទទឹង ១៥ ម៉ែត្រ ដែលជាសមិទ្ធផលហេដ្ឋារចនាសម្ព័ន្ធថ្មីមួយទៀត សម្រាប់បម្រើដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋ។
ចាប់តាំងពីបទឈប់បាញ់ចូលជាធរមានកាលពីថ្ងៃទី២៧ ខែធ្នូ ឆ្នាំ២០២៥មក យោធាថៃបាននឹងកំពុងបន្តធ្វើសកម្មភាពដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន បំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែង ទ្រព្យសម្បត្តិរបស់ប្រជាពលរដ្ឋ និងការកាន់កាប់ទឹកដីកម្ពុជាដោយខុសច្បាប់នៅតំបន់ច្រកអានសេះ សកម្មភាពទាំងនេះបានធ្វើឱ្យប្រជាពលរដ្ឋស្លូតត្រង់កម្ពុជាចំនួន ១,១១៤នាក់ ស្មើនឹង ៣៥៧ គ្រួសារ (ស្ត្រី ៧១១នាក់) និងកុមារចំនួន ៥៩៧នាក់ មិនទាន់អាចវិលត្រឡប់ទៅលំនៅដ្ឋានពួកគេវិញបាននៅឡើយ
ឯកឧត្តម អភិបាលខេត្តបានមានប្រសាសន៍ថា បណ្ណ័កម្មសិទ្ធិដីធ្លី ដែលផ្តល់ជូនបងប្អូននាថ្ងៃនេះ ជាក្រដាសសម្គាល់ផ្លូវការ ភស្តុតាងរឹងមាំបំផុត វាជួយលុបបំបាត់ក្តីបារម្ភរឿង ទន្រ្ទាន ការរំលោភបំពានឬ វិវាទដីធ្លីផ្សេងៗ នៅក្នុងសហគមន៍ ។
ក្នុងឱកាសនោះ ឯកឧត្តម មាន ចាន់យ៉ាដា បានពាំនាំនូវការយកចិត្តទុកដាក់ និងការគាំទ្ររបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចំពោះកងកម្លាំង និងក្រុមការងារដែលបានខិតខំបំពេញភារកិច្ចប្រកបដោយការទទួលខុសត្រូវ ជាពិសេសការចូលរួមការពារសន្តិសុខ សុវត្ថិភាព និងសុខសន្តិភាពជូនប្រជាពលរដ្ឋនៅតាមតំបន់ព្រំដែន។
