(បន្ទាយមានជ័យ) នៅព្រឹកថ្ងៃទី៣០ ខែកក្កដា ឆ្នាំ២០២៦ លោក លី សុវណ្ណារិទ្ធិ អភិបាលរងខេត្ត តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ អញ្ជើញផ្តល់កិច្ចសម្ភាសន៍ជាមួយអង្គការយេនឌ័រ និងអភិវឌ្ឍន៍ដើម្បីកម្ពុជា (GADC) ដើម្បីសិក្សាស្រាវជ្រាវ ស្ដីពីតម្រូវការនៃការធ្វើសមាហរណកម្មទៅក្នុហសហគមន៍ និងបទពិសោធន៍របស់ស្រ្ដីពលករទេសន្ដរប្រវេសន៍ដែលវិលត្រឡប់មកកម្ពុជាវិញដោយមានការចូលរួមពីលោក លោកស្រី មន្ទីរអង្គភាពពាក់ព័ន្ធ ធ្វើនៅសាលប្រជុំសន្តិភាព សាលាខេត្តបន្ទាយមានជ័យ។

ដើម្បីពង្រឹងសណ្ដាប់ធ្នាប់សាធារណៈ សុវត្ថិភាព និងធានាឱ្យបាននូវគុណភាពសំណង់ស្របតាមស្តង់ដារបច្ចេកទេស អាជ្ញាធរខេត្តបន្ទាយមានជ័យ បានបើកយុទ្ធនាការផ្សព្វផ្សាយ និងពង្រឹងការ អនុវត្តច្បាប់ស្តីពីសំណង់យ៉ាងម៉ឺងម៉ាត់ ដល់គ្រប់ភាគីពាក់ព័ន្ធ និងក្រុមជាងសាងសង់ក្នុងមូលដ្ឋាន។

បន្ទាយមានជ័យ៖ នៅថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោក ស្រេង សុផល អភិបាល នៃគណៈអភិបាលក្រុងសិរីសោភ័ណ បានដឹកនាំកិច្ចប្រជុំត្រួតពិនិត្យវឌ្ឍនភាពនៃការអនុវត្តគម្រោងប្រព័ន្ធទឹកកខ្វក់ និងពិភាក្សាលើគម្រោងសាងសង់ផ្លូវថ្មើរជើងក្នុងក្រុងសិរីសោភ័ណ ដើម្បីជំរុញការអភិវឌ្ឍហេដ្ឋារចនាសម្ព័ន្ធទីក្រុងឱ្យកាន់តែមានប្រសិទ្ធភាព ស្របតាមផែនការអភិវឌ្ឍន៍ និងឆ្លើយតបនឹងតម្រូវការរបស់ប្រជាពលរដ្ឋ។

នៅអាគារបច្ចេកទេសនៃវិទ្យាល័យម៉ាឡៃ ក្នុងស្រុកម៉ាឡៃ ខេត្តបន្ទាយមានជ័យ នៅតែបន្តសកម្មភាពបង្រៀនជំនាញបច្ចេកទេដល់សិស្សជាប្រចាំ ដែលជាកម្មវិធីបណ្ដុះបណ្ដាលមួយរៀបចំឡើងដោយមន្ទីរអប់រំយុវជននិងកីឡាខេត្តក្រោមគំនិតផ្តួចផ្ដើមនឹងជួយឧបត្ថម្ភដោយឯកឧត្តមកែ គឹមយ៉ានឧត្តមទីប្រឹក្សាព្រះមហាក្សត្រ និងជាអ្នកតំណាងមណ្ឌលខេត្តបន្ទាយមានជ័យ ដោយផ្តោតលើការបណ្តុះបណ្តាលជំនាញបច្ចេកទេសដូចជាការតបណ្ដាញអគ្គិសនីជាដើមដែលផ្ដោតលើការបង្រៀនទាំងទ្រឹស្តី និងការអនុវត្តជាក់ស្តែង ដើម្បីឱ្យសិស្សានុសិស្សទទួលបានចំណេះដឹង និងជំនាញប្រកបដោយគុណភាព។

មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ និងរដ្ឋបាលស្រុកអូរជ្រៅ បានរៀបចំពិធីចែកវិញ្ញាបនបត្រសម្គាល់ម្ចាស់អចលនវត្ថុ ចំនួន ០៤ភូមិ ស្មើនឹង ២ ៨៥៤ បណ្ណ ក្នុងនោះមានភូមិប្រាសាទ ភូមិព្រាវចាស់ ភូមិស្នួលទ្រេត ភូមិទំនប់ដាច់ និងបិទផ្សាយជាសាធារណៈនូវឯកសារនៃការវិនិច្ឆ័យ ចំនួន ០៤ភូមិ ស្មើនឹង ៣ ៤៨៨ក្បាលដី ក្នុង.......។

មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានរៀបចំការពិភាក្សាលើការបង្កើតសិទ្ធិ និងលុបសិទ្ធិលើការបញ្ចាំនិងការបង្កើតហ៊ីប៉ូតែក អនុវត្តតាមប្រកាសអន្តរក្រសួងលេខ ៣០ កយ. ដនស. ប្រក/១៣ ចុះថ្ងៃទី២៩ ខែមករា ឆ្នាំ២០១៣ រវាងក្រសួង យុត្តិធម៌ និងក្រសួងរៀបចំដែនដី នគរូបនីយកម្ម និងសំណង់ និងប្រកាសអន្តរក្រសួងលេខ ០៤៦ ប្រក/ដនស/មផ ចុះថ្ងៃទី៣១ ខែកក្កដា ឆ្នាំ២០២៥ រវាងក្រសួងរៀបចំដែនដី នគរូបនីយកម្ម និងសំណង់ និងក្រសួងមហាផ្ទៃ ព្រមទាំងធានាបាននូវការគាំពារដោយច្បាប់ ជូនដល់សាធារណជន គ្រឹះស្ថានមីក្រូហិរញ្ញវត្ថុ និងធនាគារលើការ បង្កើតសិទ្ធិ និងលុបសិទ្ធិលើការបញ្ចាំ និងការបង្កើតហ៊ីប៉ូតែក។