(ឧត្តរមានជ័យ)៖ ដើម្បីពង្រឹងសុវត្ថិភាពម្ហូបអាហារ និងលើកកម្ពស់សុខុមាលភាពរបស់ប្រជាពលរដ្ឋ នៅរសៀលថ្ងៃទី១៧ ខែមិថុនា ឆ្នាំ២០២៦ នេះ លោក ហោ ជិនវីរយុទ្ធ អភិបាលរងខេត្តឧត្តរមានជ័យ បានដឹកនាំក្រុមការងារចម្រុះ រួមមានថ្នាក់ដឹកនាំមន្ទីរ និងមន្ត្រីជំនាញពាក់ព័ន្ធជាច្រើនរូប ចុះជួបសំណេះសំណាល ពិនិត្យ និងអប់រំណែនាំដោយផ្ទាល់ដល់បងប្អូនអាជីវករដែលកំពុងប្រកបអាជីវកម្មលក់ដូរ នៅក្នុងផ្សារបន្ទាយអំពិល។ សកម្មភាពចុះត្រួតពិនិត្យ និងផ្សព្វផ្សាយនាឱកាសនេះ គឺធ្វើឡើងក្នុងគោលបំណងជម្រុញ និងដាស់តឿនដល់អាជីវករទាំងអស់ ឱ្យចូលរួមបញ្ចប់ការប្រើប្រាស់ ក៏ដូចជាការដាក់តាំងលក់នូវរាល់ទំនិញ និងផលិតផលនានាដែលនាំចូលពីប្រទេសថៃដែលខុសច្បាប់ ។